Blerta Deliu iu bashkëngjitet aktorëve të “O Sa Mirë” në edicionin festiv
![](https://albshowbizzz.com/wp-content/uploads/2018/12/blerta-deliu-iu-bashkengjitet-aktoreve-te-o-sa-mire-ne-edicionin-festiv_5c24f68946782.jpeg)
Hit seriali “O Sa Mirë” ka realizuar së fundmi edicionin festiv, për të sjellë një episod special për vitin e ri.
Pjesë e edicionit festiv kanë qenë shumë prej figurave publike, ndërsa nuk kanë munguar edhe të famshmit nga fusha e politikës.
Deputetja e Partisë Demokratike të Kosovës, njëherësh ish-aktorja, Blerta Deliu, ka qenë gjithashtu e pranishme në xhirimet e episodit të fundvitit.
Blerta Deliu-Kodra (Foto: Ridvan Slivova/Telegrafi)
Ajo ka publikuar në rrjetin social Instagram disa fotografi nga xhirimet, ku shfaqet krah aktoreve Arta Nitaj, Adriana Matoshi, Fisnik Ademi e Jeton Zogjiani.
Në mbishkrimin e fotografisë, deputetja e PDK-së shkruan se ndjehet e privilegjuar që pati rastin të jetë pjesë e edicionit festiv të “O Sa Mirë”.
“Isha e nderuar që pas një kohe t’gjatë të jem bashkë me kolegët në edicionit festiv të serialit “O Sa Mire” U ndjeva tepër mirë në mes të ekipes së serialit dhe dua të falenderojë shumë të gjithë kolegët dhe stafin për mikpritjen. Festë të mirë e mos harroni me e pa episoden në natën e ndrrimit të moteve”, ka shkruar Deliu-Kodra në Instagram.
Përndryshe, Blerta ka studiuar në Akademinë e Arteve në Prishtinë, dhe përveç aktrimit është marrë edhe me prezantim, para se t’i futej politikës. /Telegrafi/