Alb ShowBizzz

Tom Hanks viziton një restorant dhe ua paguan të gjithë të pranishmëve ushqimin

Pasi hyri në një restorant në Kaliforni, Tom Hanks vendosi t’i qerasë të pranishmit me drekë dhe pastaj me bashkëshorten e tij, Rita Wilson, u fotografuan me fansat.

Aktori hollivudian dhe gruaja e tij shkuan për të ngrënë ushqim në restorantin In-N-Out në Fontana të Kalifornisë, por pasi hynë aty, fituesi i Oscarit vendosi të bënte një gjest për t’u kujtuar.

Në këtë mënyrë, 62-vjeçari dhe partnerja e tij vendosën t’ua zbukuronin festat njerëzve që ishin aty.

“Shikoni kush e ka vizituar In-N-Out në Fontana! Tom Hanks dhe ua pagoi drekën të gjithëve. Bukur!”, ka shkruar një përdorues i Twitterit.

Hanks është shumë i afërt me fansat e tij, të cilëve shpeshherë u kushton kohë dhe fotografohet me ta.

Ndërsa së fundmi ka pasur më shumë hapësirë për ta bërë këtë duke qenë se ka bërë pushim nga xhirimet e filmave.

Megjithatë, në vitin 2019 e pret shumë punë, pasi do të vazhdojë xhirimet e vazhdimit të katërt të “Toy Story”, si edhe do të xhirojë edhe disa filma të tjerë. /Telegrafi/