Genci me Enin takojnë rastësisht Medën me bashkëshorten gjatë pushimeve në Tajlandë
![](https://albshowbizzz.com/wp-content/uploads/2019/01/genci-me-enin-takojne-rastesisht-meden-me-bashkeshorten-gjate-pushimeve-ne-tajlande_5c4341ec786e0.jpeg)
Çifti i njohur i skenës, Eni Koçi dhe Genc Prelvukaj, ka tash e disa ditë që ndodhen në kontinentin aziatik.
Ata kanë shijuar disa ditë të mira pushimi në Tajlandë, teksa në të njëjtin vend kanë zgjedhur të pushojnë edhe disa emra tjerë të njohur.
Këngëtari Meda dhe bashkëshortja e tij gjithashtu kanë zgjedhur këtë destinacion për pushime, teksa po në të njëjtin vend ka shkuar edhe Vjollca Haxhiu.
Katër këngëtarët në fjalë janë takuar rastësisht me njëri-tjetrin, gjersa këtë e kanë bërë të ditur përmes një fotografie të publikuar në rrjetin social Instagram.
Ata shihen mjaft të lumtur nën shoqërinë e njëri-tjetrit, ndërsa kanë shijuar ditët e ngrohta që po mbizotërojnë atje
Duket se muajin e parë të janarit, këngëtarët shqiptarë kanë zgjedhur ta nisin me pushime, para se të vazhdojnë me aktivitetet tjera muzikore.
Me pushime në Singapor ndodhet edhe këngëtari tjetër i njohur shqiptar, Gena, i cili ka qenë shumë i angazhuar për fundvit. /Telegrafi/