Kevin Spacey deklarohet ‘i pafajshëm’ lidhur me akuzat për keqtrajtim të një 18-vjeçari
Kevin Spacey është deklaruar i pafajshëm lidhur me akuzat për ofendim seksual ndaj një 18-vjeçari në vitin 2016.
59-vjeçari akuzohet se e ka prekur në mënyrë të pahijshme një punëtor në një restorant në Nantucket në Cape Cod, në shtetin Massachusetts.
WATCH NOW: Kevin Spacey arrives for court hearing as he faces possible prison time for charge of sexual assault against a minor https://t.co/z0MfkQKt9q pic.twitter.com/xXt3NtNPN1
— CBS News (@CBSNews) January 7, 2019
Ai nuk ka folur gjatë seancës dëgjimore dhe gjykatësi nuk ka kërkuar që aktori të deklarohet, porse deklarimi si i pafajshëm ishte përfshirë në dokumentet që ia janë dorëzuar paraprakisht gjykatës.
Aktorit i është ndaluar që të mos ketë kurrfarë kontakti me personin që ka ngritur padi në muajt në vijim, ndërsa rasti është shtyrë deri më 4 mars.
Spacey është dashur të kalojë nëpër turmën e gazetarëve për të kaluar nga vetura e tij deri në gjykatë, ku është mbajtur seanca dëgjimore që ka zgjatur 10 minuta.
Kevin Spacey appears in court on sexual assault charge https://t.co/vSU9hX5nT2
— Reuters Top News (@Reuters) January 7, 2019
Fituesi i dyfishtë i çmimit Oscar ka dashur ta shmangë paraqitjen e tij në gjykatë, teksa avokatët e tij kanë thënë se prezenca e aktorit do ta shndërronte seancën në një cirk.
Gjykata në Nantucket është shumë pranë vendit, ku dyshohet se ka ndodhur incidenti në vitin 2016. /Telegrafi/
