Lloch me një tjetër projekt interesant, kësaj here sjell “Hitet Shqip”
Një tjetër projekt interesant është publikuar nga Lloch.
Bëhet fjalë për këngën “Hitet shqip”, e cila trajton një temë mjaft aktuale sa i përket muzikës në vend.
Kjo parodi muzikore vë në pah të metat dhe realitetin e hidhur të këngëve dhe klipeve shqiptare.
Foto: YouTube
Muzika është realizuar nga Tekta Beat, teksa për tekstin është kujdesur vet Lloch.
Për masteringun është kujdesur producenti Mixey, gjersa i ftuar special në klip është Lulzim Bucolli.
Ana vizuale e projektit i është besuar Boulevard Films.
Lloch numëron plot gjashtë projekte interesante të sjella deri më tani, gjersa “Hitet Shqip” është projekti i shtatë. /Telegrafi/
