Ndahen përsëri Zayn Malik dhe Gigi Hadid
Pas disa ditësh spekulime se ata janë ndarë sërish, më në fund burimet e Us Weekly kanë konfirmuar tashmë se Gigi Hadid dhe Zayn Malik janë ndarë.
“Ata janë ndarë. Ndoshta mund të kthehen sërish por tani për tani janë ndarë”, ka thënë ky burim.
Zayn Malik dhe Gigi Hadid (Foto: Dimitrios Kambouris/Getty Images/Guliver)
Raportimet e deri tanishme kanë qenë rreth një krize të mundshme mes çiftit, ku thuhej se dyshja vetëm po merrnin pak kohë që të forconin sërish lidhjen e tyre me njëri-tjetrin.
Megjithatë, fansat kanë vërejtur se që nga nëntori ata nuk janë të komunikueshëm mes vete përmes rrjeteve sociale, siç rëndom ndodhte më parë kur lidhja e tyre ishte më e fortë.
Zayn Malik dhe Gigi Hadid (Foto: Pascal Le Segretain/Getty Images/Guliver)
Ata nuk publikuan asnjë fotografi të përbashkët nga pushimi, dhe Gigi shkoi vetëm në eventi NYE të Taylor Swiftit.
Postimi i fundit i Zayn në rrjetet sociale ku shfaqej bashkë me Gigin ishte bërë në fund të tetorit, kështu që do të përputhej me afatin kohor të nëntorit.
Sipas një burimi tjetër që foli me Us Weekly, Gigi ishte ajo që “u përpoq shumë ta ruante lidhjen e tyre”, por Zayn ka “shumë çështje të tij të cilat e ka vështirë t’i kapërcejë”.
Zayn dhe Gigi u lidhën së bashku për herë të parë në vitin 2015, teksa u ndanë në mars të vitit 2018, mirëpo në po të njëjtin vit, ata u rilidhën në maj, mesa duket me fatin e keq për t’i dhënë prap fund lidhjes së tyre në muajt e fundit të 2018-s. /Telegrafi/
Zayn Malik dhe Gigi Hadid (Foto: Mike Coppola/Getty Images/Guliver)
