Nuk pranojnë ta veshin në “Grammy Awards”, Bebe Rexha kritikon publikisht stilistët: Shkoni në djall!
Më në fund ajo është nominuar për herë të parë në “Grammy Awards” në 2 kategori, artistja më e mirë dhe bashkëpunimi ‘country’ më i mirë por diçka nuk e lejoi Bebe Rexhën të shijonte momentin. Me anë të një video-je të postuar në rrjetin social Instagram këngëtarja me origjinë shqiptare është shpehur se stilistët nuk duan ta veshin për mbrëmjen e madhe pasi sipas tyre ajo është një masë e madhe.
“Nëse nuk ju pëlqen stili im apo muzika ime kjo është tjetër gjë, por të thoni se nuk mund të vishni dikë pasi nuk ka përmasat e një modeleje pasarelash kjo është e papranueshme” ,-tha ajo e irrituar. 29-vjeçarja e mbylli videon e saj duke i thënë të gjithë këtyre stilistëve të shkojnë në dreq.
“Artistët sigurisht qëkur kanë evente të rëndësishme shkojnë dhe takohen me dizenjuesit për veshjen e tapetit të kuq. Edhe stafi im e ka bërë diçka të tillë dhe dizenjuesit janë shprehur se nuk mund të më vishnin për shkak të përmasave të mija. Unë nuk i dua fustanet tuaja dhe nuk dua ti vesh. Shkoni në djall.”- përfundon këngëtarja.
albshowbizzz.com
