Postoi foton e 10 viteve më parë, Roza reagon ashpër ndaj kritikave: Kam bërë buzët, vetullat, mos na çani…do dal në ekran [FOTO]
Sfida ‘10 vite më parë’, u kthye në një trend duke përfshirë personazhe të njohur të ekranit shqiptarë. Mirëpo disa prej tyre kanë rënë pre edhe e kritikave të ndjekësve dhe një ndër to është edhe Roza Lati. Në fotografinë që moderatoria ka publikuar dikush nga ndjekësit e saj i ka komentuar se më parë ishte më e mirë, duke qenë se ishte “BIO”.
Kjo gjë ka bërë që Roza të revoltohet nga kritikat e shumta dhe reagon menjëherë ndaj ndjekësve.
“I kam bërë buzët që 20 vjeçe. Edhe vetullën e kam pasur të punuar. Njeriu rritet. E mos na çani dërrasat ‘çe ke gjithë këtë make up, ç’je bërë kështu’… S’do dal të pi kafe te lagjia me ju. Do dal në ekran. Ekrani ka rregulla! Ka blice dhe drita nivel tjetër nga dritat e rrugëve që dilni ju o milet! Bëni dallimin ! Unë punoj në televizion. Make up dhe krehja dhe flokët janë procese të punës!”, – ka shkruar Roza.
Më pas ajo ka shpjeguar se nuk i mirëpret të tilla komente, sepse nuk dinë të bëjnë kritikat e duhura dhe reagimi i saj është gjithëpërfshirës, sepse nuk ka asgjë personale me askënd.Në të vërtetë Roza Lati është ndër personazhet e paktë që ka pranuar të gjitha ndërhyrjet që ka bërë, për t’u treguar sa më e drejtpërdrejtë dhe e sinqertë me të gjithë njerëzit që e ndjekin.
albshowbizzz.com
