Rezarta Shkurta kujton kohën kur për të shkruanin revistat kineze
Rezarta Shkurta u bë shumë e njohur si këngëtare dhe numëron disa hite në karrierën muzikore.
Por në fakt fillimet e saj nuk kanë të bëjnë me këngën, por me një tjetër fushë të artit. Rezarta në fillim u bë e njohur në qytetin e saj të lindjes në Durrës si “Miss Durrësi”, duke qenë se fitoi kurorën e më të bukurës në vitin 2005.
Më pas ajo prezantoi qytetin në konkursin tjetër të bukurisë, “Miss Albania”, ku ajo doli në vendin e dytë. Pas këtyre eksperiencave, pasuan disa të tjera si fotomodele dhe Rezarta u bë një ndër modelet më të kërkuara të kohës, duke bashkëpunuar me fotografët dhe stilistët më të njohur.
Pavarësisht se sot nuk e ushtron më këtë profesion, ajo nuk harron t’i kujtojë vitet e shkuara. Ditën e sotme Rezarta ka publikuar në ‘Instagram’ një fotografi të shkëputur nga një gazetë kineze, në të cilën ajo shfaqej si modele. “Në kohën e rinisë. Dikur modele dhe shkruan një gazetë kineze”, – ka shkruar Rezarta.
Megjithatë në një farë mënyrë ajo nuk ka hequr dorë plotësisht nga profesioni i dikurshëm, sepse sot Rezarta drejton një kompani filmike. Tashmë nuk i duhet të pozojë vetë përpara aparatit fotografik, por mëson të tjerët si të pozojnë për të memorizuar çastet më të bukura në një foto. /revistawho.com
albshowbizzz.com
