Samanta: Ka kohë për martesë, Elinel është Eminemi i Shqipërisë
![](https://albshowbizzz.com/wp-content/uploads/2019/01/samanta-ka-kohe-per-martese-elinel-eshte-eminemi-i-shqiperise_5c3afa05786d9.jpeg)
Samanta Karavella është ndarë tejet e kënaqur nga puna e realizuar së fundmi në klipin e ri.
“Vonë” është projekti më i fundit i këngëtares i cili erdhi me një realizim mjaft të bukur në bashkëpunim me Elinel.
Për Top Channel bukuroshja tha se klipi pati disa sakrifica dhe nuk ka qenë lehtë xhirimi i tij sepse është realizuar për orë të gjata në temperatura shumë të ulëta dhe në borë.
Ajo vlerësoi lart reperin nga Prishtina, Elinel, duke thënë se është Eminemi i Shqipërisë.
Më tej Samanta ka folur edhe për jetën private, duke thënë se ajo nuk mendon për martesë.
“Ka kohë për martesë, nuk mendoj ende. Madje edhe fisi ka hequr dorë sepse e dinë që unë kam mendjen te muzika”, u shpreh këngëtarja.
Samanta gjithmonë është komentuar për këngët që i bën më shumë se sa për jetën private. /Telegrafi/