Bëhen të ditur emrat e këngëtarëve që do të performojnë në sheshin “Zahir Pajaziti” në Prishtinë më 17 shkurt

Më 17 shkurt, të gjithë qytetarët e Kosovës do të kremtojnë 11-vjetorin e Pavarësisë së Kosovës.

Me këtë rast, janë planifikuar aktivitete të shumta gjatë ditës në të gjitha qytetet, ndërsa nuk do të mungojë argëtimi i qytetarëve edhe në mbrëmje.

Logoja zyrtare e 11-vjetorit të Pavarësisë së Kosovës

Në sheshin “Zahir Pajaziti” në Prishtinë, do të organizohet një koncert, në të cilin do të performojnë disa emra të njohur nga estrada.

Dafina Zeqiri, Gjiko, Mc Kresha, Lumi B, Lluni, Dj Dagz, Fuego dhe Rina janë emrat që do të ngjiten në skenën e koncertit, më 17 shkurt.

Ky koncert do të fillojë nga ora 20:00.

Shumë prej emrave të lartpërmendur kanë ndarë me ndjekësit e tyre videon promovuese të koncertit të 11 vjetorit.

Ata u kanë bërë thirrje atyre që të mos mungojnë, pasi do të jenë të pranishëm në qendrën e kryeqytetit për të festuar me ta. /Telegrafi/