Edhe dy femra e akuzojnë R.Kellyn për abuzim seksual

Dy femra kanë dal me akuza për sjellje të keqe seksuale kundër këngëtarit të R&B, R Kellyt.

Rochelle Washington dhe Latresa Scaff thanë në një konferencë për shtyp se pos pijeve alkoolike, artisti u ka ofruar drogë në një ndejë pas koncertit në Baltimore në vitet e 90-ta të shekullit të kaluar.

Ata thanë që 52-vjeçari i dërgoi në një dhomë hoteli dhe më pas u kërkoi favore seksuale vajzave që në atëbotë ishin 18-190vjeçare.

Kjo nuk është hera parë që po ngritën akuza të tilla pasi që edhe në të kaluarën ka ndodhur një gjë e tillë, por që kurrë nuk është dënuar.

Duke iu drejtuar gazetarëve në Nju Jork, të dy gratë thanë se ishin adoleshentë kur stafi i sigurisë së Kellyt i mori ata nga një audiencë koncertesh. Ato nuk ishin në gjendje të japin vitin e saktë, por thanë se ishte viti 1995 ose 1996.

Scaff, 40 vjeçare, tha se në ndejë iu është dhënë kokainë, marihuanë dhe alkool gjersa janë urdhërar të presin këngëtarin në dhomën e hotelit.

Një dokumentar për R. Kelly, emri i plotë i të cilit është Robert Sylvester Kelly, është paraqitur në platformën “Lifetime”, i cili përmbante pretendime të abuzimit fizik dhe emocional të grave. /Telegrafi/