Justin Bieber me dy rekorde
Justin Bieber është një ndër këngëtarët më të suksesshëm të momentit në botë.
Ish i dashuri i Selena Gomezit ka arritur edhe dy rekorde të reja sa i përket karrierës muzikore në rrafshin ndërkombëtar.
Tani është artisti i parë që ka bërë histori duke tejkaluar 19 miliardë shikime në kanalin e YouTubes.
Gjithashtu është bërë edhe këngëtari i parë që tejkalon 43 milionë abonentë në YouTube.
Ndryshe, ai dhe Hailey Baldwin (tash Bieber) janë martuar zyrtarisht në shtator të vitit të kaluar, mirëpo e kanë anuluar edhe për të tretën herë dasmën e tyre.
Ata kishin njoftuar se dasma do të organizohej më 28 shkurt (pas ditëlindjes së 25-të të këngëtarit) dhe madje i kishin shtypur ftesat, mirëpo as këtë herë nuk do të ndodhë.
Ndryshe, Justin është duke punuar në projekte të reja muzikore që do t’i sjell gjatë muajve në vazhdim. /Telegrafi/
