Një ëndërr fëmijërie, Dua Lipa sheh veten e saj ‘të gjallë’: ‘’Për pak thashë se hapi sytë…’’
Dua Lipa vazhdon e mahnit botën dhe shqiptarët me arritjet e saj.
Ky i radhës për këngëtaren ishte një ëndërr që në fëmijëri: të ishte pjesë e muzeut të famshëm “Madame Tussauds”, në Londër.
Aty ndodhen statujat prej dylli të personazheve më të famshëm britanikë, që kanë bërë revolucion me veprimtarinë e tyre.
Dua e vizitonte për herë të parë këtë muze në vitin 2004 me familjen e saj dhe këtë vit u gjend për të inauguruar skulpturën e saj prej dylli.
Nga fotot e publikuara në ‘Instagram’ mund të themi se skulptura është kopje e këngëtares, nga muskujt e barkut te flokët e shkurtër me vijë në mes dhe makijazhi.
Në postim këngëtarja tregon se statuja i dukej aq e gjallë sa nga momenti në moment mendonte se do të lëvizte sytë.
albshowbizzz.com
