Këngëtarja shqiptare me famë botërore, Dua Lipa, shkroi historinë duke fituar dy çmime në ceremoninë e sivjetme të Grammy Awards.
https://telegrafi.com/dua-lipa-shkruan-historine-behet-shqiptarja-e-pare-qe-fiton-nje-cmim-grammy/ target=”_blank” rel=”noopener”>Ylli nga Kosova u shpall artistja e re më e mirë, si dhe e fitoi çmimin për këngën më të mirë të zhanrit ‘dance’, falë bashkëpunimit me Mark Ronson dhe Diplo, “Electricity”.
Dua Lipa fitoi dy çmime Grammy (Foto: Amanda Edwards/Getty Images/Guliver)
Në kuadër të urimeve të shumta që ka marrë për këtë sukses, nuk ka munguar edhe urimi i presidentit të Kosovës, Hashim Thaçi.
“Urime të sinqerta për Dua Lipën për dy çmimet e saja Grammy. Derisa po e festojmë 11 vjetorin e Pavarësisë dhe 20 vjetorin e çlirimit, Dua na bëri neve të gjithëve – dhe gjithë botën – që t’i gëzohemi forcës, talentit dhe rimëkëmbjes së femrave të Kosovës”, ka shkruar presidenti në Twitter.
Sincere congratulations to @DUALIPA for her two #GRAMMMYs. As we celebrate 11 years of independence and 20 years of freedom, Dua made us all – and the entire world – rejoice at the strength, talent and the resilience of Kosovo women. pic.twitter.com/KgpO2b4LhM
— Hashim Thaçi (@HashimThaciRKS) February 11, 2019
Në edicionin e 61-të të Grammy Awards në dy kategori ishte e nominuar edhe shqiptarja tjetër, Bebe Rexha.
Mirëpo, këngëtarja që po ndërton karrierë në Shtetet e Bashkuara të Amerikës nuk arriti të triumfonte në ceremoninë e të dielës mbrëma.
29-vjeçarja ishte konkurrente për artisten më të mirë dhe performancën më të mirë në dyshe ose grup në zhanrin ‘country’. /Telegrafi/
