Serialit turk i ndryshojnë emrin ende pa nisur transmetimin
Një serial i ri turk pritet të nisë transmetimin në Fox Tv së shpejti. Seriali ia ka dalë të zërë titujt kryesorë në media edhe falë ndryshimit të papritur të emrit, ende pa nisur transmetimin.
Nga “Si Jeta” që ishte njoftuar më parë se do të titullohej seriali, ekipi i produksionit ka njoftuar se tashmë ai do të titullohet “Familja”.
Në rolet kryesore të serialit luajnë aktorja e famshme Songul Oden (Gymysh) me Celil Nalçakan, Birkan Sokullu, Olgun Toker dhe Elçin Afacan.
Seriali është një prodhim i kompanisë së produksionit “Medyapim” dhe do të transmetohet çdo të premte në Fox Tv duke nisur nga fundi i Shkurtit ose fillimi i Marsit./tvklan.al
