Ndërroi jetë pas një muaj agonie, modelja dyshohet se u helmua
Ka ndërruar jetë pas një muaji agonie në spitalin Humanitas të Milanos, modelja 34 vjeçare marokene Imane Fadil, dëshmitare kryesore në procesin Ruby ndaj ish kryeministrit italian Silvio Berlusconi.
Prokuroria e Milanos ka nisur një proces hetimor për vrasje të qëllimshme ndaj saj, dëshmuar nga kartela klinike e modeles që shfaq simptoma të mundshme të helmimit.
Prokurori i Milanos Francesco Greco ka referuar se modelja marokene është shtruar në spital në 29 janar të këtij viti në repartin e terapisë intensive e ka rrëfyer për avokatin e familjarët e saj se dyshonte që e kishin helmuar.
Me gjithë dhimbjet e forta për shkak të dekadencës së organeve, Imane Fadil ka qenë koshiente deri në çastet e fundit të jetës.
Dëshmia e saj në procesin Ruby konsiderohet si çelës në hetimet e Prokurorisë.
Ajo kishte dëshmuar për mjaft vajza modele që merrnin pjesë në festat e organizuara në rezidencën milaneze të Berlusconit e kishte rrëfyer se përmes një ndërmjetësi sirian i prezantuar si miku i Berlusconit i janë ofruar para në shkëmbim të heshtjes së saj.
Gjatë një dëshmie të fundit të pak muajve më parë, modelja kishte thënë para prokurorëve italianë, mbi ekzistencën e një video të ish kryetarit të dhomës së deputetëve të parlamentit Gianfranco Fini, e shfaqur gjatë festave në mbrëmjet me ish kryeministrin Berlusconi. “Nuk e kam treguar me parë se kisha frikë” ka thënë Amo.
Rezultati i analizave toksike të bëra publike sot vërtetojnë se motivi i vdekjes së modeles Imane Fadil është një përzierje substancash radioaktive.
Konfirmohet hetimi i Prokurorisë së Milanos për vrasje të qëllimshme.
