Moderatorja shqiptare studioi ekonomik, u bë pjesë e televizionit por ëndërronte aktrimin

Moderatorja e njohur e ekranit shqiptar, Arjola Shehu u bë pjesë e televizionit krejt rastësisht, ndërkohë që po studionte ekonomik. Ndonëse ishte shumë e përqendruar në shkollë, dashurinë e gjeti tek televizioni dhe moderimi.

E ftuar në emisionin “Mos i fol shoferit” në RTV Ora, Arjola zbuloi se në fëmijëri ëndërronte të bëhej aktore, por hoqi dorë për shkak të pagesave të ulëta.

Rudina Dembacaj: Përse su bëre aktore?

Arjola Shehu: Sepse nuk kishte të ardhme të madhe në Shqipëri. Është realitet i hidhur.

Rudina Dembacaj: Unë nuk mendoj kështu.

Arjola Shehu: Nuk bëhen shumë produksione, kinematografia nuk ka shumë prodhime. Padyshime që ka hapësira, por nuk është një fushë që është e lehtë që të arrihen gjërat dhe që të sjell shumë të ardhura.