Rita Ora nesër viziton Kosovën, kjo është arsyeja
Këngëtarja me origjinë shqiptare, Rita Ora, nesër pritet ta vizitojë Kosovën.
Ylli i muzikës pop është angazhuar nga Fondi i Kombeve të Bashkuara për Fëmijë dhe me ftesë të UNICEF-it do të qëndrojë në atdheun e saj. Telegrafi mëson se ajo nesër (e martë) do të arrijë në Kosovë.
28-vjeçarja do të qëndrojë tri ditë në vendin tonë në kuadër të një misioni bamirësie dhe do të takohet me viktimat e dhunës seksuale.
Këngëtarja mbajti një koncert madhështor në kuadër të festimeve të dhjetëvjetorit të Pavarësisë së Kosovës (në vitin 2018), ndërsa është vazhdimisht e angazhuar për ta ndihmuar vendin e saj.
Theksojmë që Rita dhe brendi gjerman i modës Escada janë duke përgatitur një kauzë të përbashkët: “Moda për gratë e pavarura dhe të forta për t’i ndihmuar ato të bëhen të forta dhe të pavarura”.
Nga çdo produkt i shitur, 40 euro do të shkojnë për bamirësi, për organizatën “Ëomen for Ëomen International”, e cila synon të ndihmojë të mbijetuarat femra të luftës që të rindërtojnë jetën e tyre. Donacionet do të financojnë përpjekjet e organizatës në Kosovë.
“Unë kthehem sa më shpesh që të mundem. Është një vend shumë i rëndësishëm për mua”, ka thënë Rita për Kosovën.
